Ervin Koxherri, ish-konkurrenti i “Për’puthen” së fundmi ka bërë publike lidhjen e tij të dashurisë. Pas largimit të tij nga programi, ai ka ndarë me miqtë e tij një foto ku duket i përqafuar me Damaljanta Gjergji, Miss Lezha 2018.
Këtë postim, Ervini e ka shoqëruar me një zemër me çelë që nënkupton lidhjen me bukuroshen.
Tashmë nuk ka mbetur më asgjë për t’u habitur nga emisioni “Përputhen” dhe hsitoritë e dashurisë të protagonistëve po vazhdojnë të intrigojnë publikun.
Së fundmi ish-konkurrenti i formatit të dashurisë, Arsimi, ka marrë vëmendjen me postimin e fundit në InstaStory.
Ai ka publikuar në InstaStory dorën e tij me unazën në gisht, teksa shkruan:
“Nuk ka rëndësi dhurata, por mundi.”
Burime ekskluzive për “Iconstyle.al” kanë treguar se vajza e cila i ka dhuruar unazën Arsimit dhe në fakt po jeton një histori dashurie është Ana Lleshi, ish-konkurrente e “Për’puthen”. (Këtu)
Këto zëra i ka konfirmuar gjithashtu për “Iconstyle.al” opinionisti i emisionit, Meridian Ramçaj, i cili së fundmi ka zbuluar dhe të vërtetat e tij për prapaskenat e “Për’puthen”.
Madje, fotoja e fundit e Meridianit me Arsimin në llogarinë e tij në Instagram, është shkrepur nga Ana.
Jo vetëm kaq! “Pushimi” i Anës nga puna si pjesë e stafit të “Për’puthen” erdhi menjëherë me largimin e Arsimit. Duket se çifti ka vendosur ta jetojë prapa kamerave historinë e tyre të re.
Gjithashtu, gjatë emisionit “Për’puthen” ka ndodhur një debat i ashpër mes Arjan Konomit dhe Kristianit, njërit prej djemve konkurrentë, ku janë zbuluar të vërteta të emisionit dhe lidhjeve të fshehta, megjithatë s’dihet nëse ky debat do të transmetohet.
Arjan Konomi është shprehur se nëse ky debat do të transmetohet në ekran, ai do të largohet nga “Për’puthen”.
