Kim Kardashian nuk njihej fare në një foto në dukje të pa edituar dhe pa grim apo filtra nga festa e ditëlindjes së mikeshës së saj Allison Statter.
“Ka qenë një javë e ëmbël. Faleminderit të gjithëve që festuan me mua!” Allison, të cilën Kim, e njeh që në shkollën fillore, ka postuar një sërë fotosh nga java e saj festive.
Fotoja e parë në “slideshow” ishte një grup zonjash duke buzëqeshur ndërsa ishin ulur për të ngrënë së bashku. Kim mund të shihej në anën e djathtë me krahun e saj të mbështjellë rreth shpatullës së një shoqeje tjetër. Megjithatë, ylli i “Keeping Up With the Kardashians” duket se humbi lehtësisht mes tetë personave, sepse ishte një foto e rrallë e themelueses se “SKIMS” pa grim. Për më tepër, fotografia nuk dukej të ishte edituar ose të kishte ndonjë filtër të shtuar.
Tashmë është bërë shumë e pazakontë që të shohësh një foto të paprekur e të pa redaktuar të familjes Kardashian, veçanërisht Kim, pasi rrjetet e tyre sociale zakonisht janë të kuruara në detaje e në perfeksion.
Megjithatë, rikujtojmë se Kris Jenner më 15 janar postoi dhe fshiu një foto të pa redaktuar të Kim ndërsa festonte ditëlindjen e Chicago West.
