Duket se Loredana është rikthyer fuqishëm dhe është gati të bëjë namin e këtë na e ka vërtetuar me publikimin e këngëve të para të albumit “Medusa”, që pritet të lançohet i plotë në dhjetor.
Ajo ka publikuar tashmë këngën e re të albumit të titulluar “Tut mir nicht leid” pak pas mesnate dhe si çdo projekt tjetër i saj po bën xhiron e rrjetin dhe brenda tetë orësh ka mbledhur 194 mijë klikime.
Ndryshe nga sa mund ta prisni në fabulën e këngës Loredana vjen në rolin e në vajze që është ndarë nga personi zemrës, por i thotë “jo” lotëve dhe vuajtjeve.
Ndër të tjera në refren thuhet:
Nuk më vjen keq që s’më mungon më. Mos qaj dhe më lërë vetëm. Nuk do më shohësh më kurrë duke qarë. Nuk ta fal dot, më vjen keq. Nuk më vjen keq që s’më mungon më.
Klipi i këngës është shumë i veçantë dhe një pjesë e tij është xhiruar sipër Bibliotekës Kombëtare të Kosovës, në Prishtinë.
Ditën e djeshme u raportua se Mozzik do shfaqet në videoklipin e saj, që pritet të publikohet së shpejti.
Kjo është kënga e tretë e reperes për albumin e ri.
Për projektin e parë ajo ka bashkuar forcat me reperen nga Suedia, Amanda Delara, dhe i dedikohet jetës luksioze të dy repereve në fjalë, nga makinat te gjërat e shtrenjta e deri te suksesi dhe “thyerja” e klubeve.
Dy javë më parë ajo solli “Rockstar”. Sikundër jemi mësuar me tekstet e saj, reperja edhe një herë nxjerr në pah faktin se është emër i lakuar, shumë i sukseeshëm dhe një “bad girl” që nuk i bëhet vonë as për policinë.
Pasi u zhduk nga rrjetet sociale, Loredana zbuloi se ka përgatitur një album të ri, me të cilin pritet të bëjë bujë të madhe.
Ajo ka publikuar intron e tij, që duket se është një nga pjesët më të rëndësishme dhe të fuqishme të albumit.
Reperja rrëfen në intro se “Medusa” flet për 18 muajt e fundit të jetës së saj dhe gjithë teksti tregon shumë për të, përfshirë edhe raportin me Mozzik.
https://youtu.be/Q9jYbA6hwck
