“Bonbon” është kthyer në një hit ndërkombëtar dhe për këtë nuk ka asnjë pikë dyshimi. Së fundmi, kënga e Era Istrefit është dëgjuar në stadiumin e madh të Real Madridit, “Santiago Bernabeu” ndërkohë që tifozët prisnin të niste ndeshja për Champions League, Real Madrid – Sporting Lisbona.
Në videon e postuar në “Facebook” nga Shqip Stadium, dëgjohet zëri i këngëtares shqiptare, me të cilën vazhdojnë të krenohen të gjithë bashkëkombësit.
Artistja nga Prishtina po bëhet gati të nisë turneun e saj nëpër Evropë dhe po ashtu të publikojë hitet e saj të reja që mësohet se do të vijnë në muajin tetor.
