Ish-banorja e “Big Brother VIP” Livia Brunga ka reaguar për herë të parë pas daljes nga reality show, duke falënderuar ndjekësit për mbështetjen e madhe dhe duke dhënë disa përgjigje për pyetjet më të shpeshta që ka marrë.
Ajo u ndal veçanërisht te raporti i saj me Eglin, duke konfirmuar se vazhdojnë të jenë në kontakt, por ka zgjedhur të mos japë detaje të mëtejshme deri sa ai të vendosë të flasë vetë. Livia nuk ka preferuar të ndajë detaje nga jeta e saj private, duke thënë se është e lumtur dhe kjo mjafton. Po ashtu, ajo ka treguar se i mungojnë shumë Rozana dhe Laerti nga shtëpia e “Big Brother”.
“Po, jam në kontakt me Eglin por nuk kam dëshirë të “shes” informacione deri kur Egli vetë të vendosë të dalë dhe të flasë. Mund të shpreh vetëm që Eglin e kam zemër, çdo gjë që kemi ndarë aty brenda ishte reale, çdo gjë vazhdon siç ka fillu, dhe ja dua aq shumë atë buzëqeshjen”
