Kur është fjala për t’u sjellë si profesionistë në gjithçka, mediat sociale janë rruga më e shkurtër!
Së fundi, përdoruesit e Twitter kanë kritikuar Meghan Markle se ka rrezikuar djalin e saj, gjatë një shëtitje në natyrë.
Ata kanë kërkuar që Meghan Markle të marrë këshilla nga një dado se si të përdorë mbajtësen për fëmijë, pasi fotografitë e fundit të saj, tregojnë se dukesha ka qenë në vështirësi.
Dukesha e Sussex dukej në humor të mirë ndërsa shëtiste nëpër pyje vetëm disa milje larg shtëpisë në ishullin Vancouver të Kanadasë, ku ajo ka kaluar pjesën më të madhe dy muajt e fundit.
Duke buzëqeshur Meghan nxori Archie-n për ajër të pastër së bashku me dy qentë që ka me Princin Harry.
Sidoqoftë, disa përdorues të Twitter-it pretendojnë se djali i tyre 8-muajsh dukej paksa jo rehat në mbajtësen që nëna e tij mbante para.
Meghan në fakt duket sikur kishte nevojë për ndihmë e megjithatë ajo arriti t’ia dalë mbanë të shkojë vetëm deri të automjeti i parkuar pak më tej.
