Gjiko dhe Nora Istrefi kanë lançuar bashkëpunimin e fundit të titulluar “Gabime”, që premton të shndërrohet në hit këtë verë.
Projekti është realizim i produksionit RedBox, ndërsa njeriu i hiteve Big Bang (Arbër Gjikolli) qëndron prapa kësaj kënge. Për realizimin e videoklipit është kujdesur Valon Aziri, ndërsa tekstin e ka shkruar vet Gjiko.
Megjithatë, e veçanta e çdo klipi që sjell Nora, është look-u i saj gjithmonë i ri dhe në tendencat e fundit të modës. Këtë radhë ajo ka mahnitur me veshjen, një risi që e kemi parë te Kim Kardashian.
Veshja e tejdukshme dhe gjoksi i zbuluar është trendi që Kim preferon ta ndjekë dhe ashtu po ndodh edhe me Norën.
E veshur nga koka te këmbët me të zeza, Nora ka guxuar me një bust të tejdukshëm që shfaq gjoksin.
Bukuroshja shqiptare është kuruar me mjeshtëri nga makeup Artistja Sellma dhe stilisti Valdrin Sahiti.
Kujtojmë që ditë më parë, Nora solli bashkëpunimin me bashkëshortin e saj Robert Berisha, “Ska Inatë”, që për katër ditë ka arritur mbi 1.6 milion shikime në “YouTube”.
Ndërkohë, edhe projekti i mëparshëm i Gjikos ka qenë bashkëpunim me Skerdin. “Faje” që është publikuar në fillim të muajit qershor, numëron afro 5.8 milionë shikime deri më tani në “YouTube”.
Burimi: Iconstyle.al
