Moderatori i njohur shqiptar, Alaudin Hamiti dhe Liberta Spahiu kanë realizuar udhëtimin e tyre të fundit, të cilin kjo e fundit e ka publikuar në YouTube.
Ata luajnë lojën “Thuaje ose zhytu” ku në një pjesë të saj duhet t’i përgjigjen pyetjeve me spec ose të hidhen në pishinë. Në një moment, Liberta e pyet Alaudinin se cili është personazhi publik më pa tru. Moderatori zgjodhi të mosi përgjigjet pasi nuk donte që të ofendonte askënd.
Liberta zgjodhi ta bënte pak më të lehtë duke e pyetur se kush është më e ngurtë nga fytyrat publike në intervista. Kësaj here ai zgjodhi të përgjigjej dhe tha pikërisht emrin e Nora Istrefit.
Përsa i përket projekteve muzikore të artistes, para pak muajsh u mësua se ajo dhe Melinda do të vinin në një bashkëpunim me njëra-tjetrën. Edhe pse duetet mes artistëve lindin zakonisht pas miqësive, ky nuk është rasti i dy këngëtareve. Melinda dhe Nora nuk kanë pasur miqësi më herët bashkë, duke qenë se vijnë dhe nga breza të ndryshëm artistësh, por kjo nuk i ka penguar që të bashkojnë forcat për një projekt muzikor.
Por më i habitshëm është fakti se dy vajzave ju është bashkuar edhe një reper në këngën e re. “Prive” ka mësuar se Norës dhe Melindës do t’i bashkohet edhe Gjiko në këtë bashkëpunim. Kjo është hera e parë që do e dëgjojmë trion në një projekt të përbashkët, ndaj kurioziteti për këtë këngë do të jetë goxha i madh. Kënga thuhet se është finalizuar dhe tashmë na mbetet të presim vetëm publikimin e saj.
