Noizy prej disa kohësh ka paralajmëruar se shumë shpejt do të hedh në treg një këngë të re, e cila do të vijë në bashkëpunim me reperin e njohur italian, Ghali.
Edhe pse Noizy na ka treguar se xhirimet e klipit kanë përfunduar prej kohësh, ai ende nuk ishte publikuar.
Mirëpo për çudinë e të gjithëve, ndërsa Noizy nuk e ka publikuar ende versionin origjinal të këtij klipi, ai ndodhet në YouTube dhe mban titullin “Parku i Lojërave.
Me sa duket dikush e ka marrë këtë këngë pa autorizimin e Noizy-t dhe e ka publikuar në YouTube. Ndërkohë që kjo çështje mbetet e dyshimtë, pritet një reagim i Noizy-t për të sqaruar si qëndron e vërteta.
Kujtojmë që ky nuk është dueti i vetëm që Noizy ka bërë gjatë këtij viti, pasi ai ka bërë duet edhe me Raf Camoran e Alban Skënderajn. Ndërsa së fundmi po përflitet se shumë shpejt do të hedh në treg një këngë që vjen në bashkëpunim me këngëtaren Dafina Zeqiri.
