Edhe pse kanë kaluar dy muaj që kur reperi shqiptar Noizy pati një përplasje të bujshme me Ledion Liçon, natën e eventit të “Top Awards”, duket se ky konflikt nuk është mbyllur ende, të paktën nga ana e reperit.
Në një nga koncertet e tij, Noizy e ka përmendur sërish emrin e Ledionit, duke i kushtuar atij një këngë. “Kjo këngë i kushtohet Ledionit”, është shprehur reperi teksa në sfond dëgjohet hiti i tij “Big Body Benzo”.
Pas batutës që Ledioni bëri natën e spektaklit për reperin shqiptar, duke thënë se, “kështu është kur shet mend me ‘Ferrarin’ e shokut”, Noizy preferoi t’i kushtonte këto vargje:
“Nuk ma bleu as mami as babi, e bleva vetë”.
Batutat nuk kanë munguar mes palëve, që nga nata e “Top Awards”, ku Ledioni thumboi reperin pas mungesës së tij për shkak të angazhimeve jashtë shtetit.
