Ndërkohë që të gjitha rrjetet sociale janë mbushur me foto romantike, urime, dedikime dhe surpriza gjithandej, reperi i njohur Noizy na tregon se si po e kalon këtë 14 shkurt.
E para dhe më kryesorja, ai na zbulon në mënyrën më epike se Dita e Shën Valentinit e ka gjetur vetëm, pa dikë në krah.
Këtë e kemi kuptuar në postimin e tij të fundit në Instastory, ku nuk duket se është shumë pro festimit të Ditës së Shën Valentinit.
“Ku të mbytem unë sot!”, shprehet ai duke qeshur.
Nuk e dimë nëse e ka zënë koka me të gjitha ato postime romantike, por të paktën nuk është larguar nga Instagrami siç premtoi dje.
Reperi i njohur shqiptar, lajmëroi fansat se s’do të jetë shumë aktiv në rrjetet sociale për një kohë të pacaktuar.
Noziy ka treguar edhe arsyen në një postim në Instagram, ku shkruan se është duke punuar për një album, i dyti në karrierën e tij.
“Dua tu them që po punoj për një album që jetë CD. Në fakt ky do të jetë Albumi im i dytë me CD. Prandaj s’do të jem shumë aktiv në rrjete sociale. Do më falenderoni më vonë gjithsesi”, ka shkruar ai.
