Reperi Noizy është një ndër reperët më në zë të momentit në media e rrjete sociale, ku numëron plot 1.6 milion ndjekës.
Ai ka vite në skenë dhe vazhdon ta marrë njësoj dashurinë e fansave të tij, siç e merrte në fillimet e tij kur ishte ende i ri.
Në këto vite karrierë, reperi ka ngjitur shkallët e suksesit në çdo fushë të jetës, duke i mundësuar vetes një jetë luksi me makina e rroba të markave të shtrenjta, biznese të mëdha e pushime të shtrenjta.
Rrallë ndodh që Noizy të ndajë me ndjekësit detaje nga ambienti i shtëpisë së tij, mirëpo e ka bërë së fundmi.
Reperi ka publikuar në InstaStory një video të garderobës së tij gjigante, më saktë dollapit të këpucëve.
Noizy ka filmuar këpucët e markave të ndryshme ndërsa nga videoja na u krijua përshtypja se ishim brenda një dyqani.
Duket se reperi e dashuron stilin sportiv dhe atletet janë ato që mbizotërojnë në dollapin e tij.
