Të gjithë qytetarët shqiptarë që ndodhen në Suedi, dhe mund të provojnë se nuk kanë pasur mundësi të lenë Suedinë për shkak të anullimit të fluturimit, ose shkaqe të tjera, mund të aplikojnë për zgjatje afatit të qëndrimit.
Ky njoftim i Ministrisë për Evropën dhe Punët e Jashtme vlen me kusht që ky afat të mos i kalojë 90 ditët.
Nëse qëndrimi në zonën Schengen do t’i kalojë 90 ditët, shtetasit duhet të aplikojnë për një VIZË Vizitori. Ky aplikim njofton MEPJ, duhet të kryhet para se të skadojë afati i qëndrimit të deritanishëm.
Aplikimi bëhet duke ndjekur udhëzimet në linkun e mëposhtëm të Portalit Diplomatik:
https://www.government.se/government-of-sëeden/ministry-for-foreign-affairs/diplomatic-portal/
Sa u përket qytetarëve shqiptarë që aktualisht ndodhen në Slloveni, MEPJ bën me dije se koha e qëndrimit të tyre në këtë vend, në këtë situatë të jashtëzakonshme, nuk do të llogaritet brenda 90 ditëshit të qëndrimit të lejuar në zonën Schengen.
Gjithashtu, sa i përket qëndrimit të qytetarëve shqiptarë në Republikën Çeke, MEPJ informoi më herët se të gjithë shtetasit e huaj, të cilët në momentin e shpalljes së gjendjes së jashtëzakonshme, ndodheshin në mënyrë legale në territorin çek, do të mund të vazhdojnë të qëndrojnë në këtë territor gjatë kohëzgjatjes së gjendjes së jashtëzakonshme, pa pasur nevojë të zgjidhin çështjet e statusit të qëndrimit të tyre.
/Iconstyle.al
