Një zonjë e vjetër nga Moravia, Anezka Kasparkova, ka festuar ditëlindjen e saj të 88-të. Për më shumë se 30 vite, kjo gjyshe plot gjallëri ka përdorur aftësitë e saj si një artiste për të zbukuruar ndërtesat.
Nëse do të bënit një vizitë në fshatin e vogël Louka, në jug të Republikës Çeke, do të habiteshit nga pamja e tij. Fasadat e shtëpive të bardha, rrugëve, dyqaneve janë të mbushura pafund me motive lulesh blu.
Anezka është marrë tërë jetës me agrikulturë, por pasioni për artin ka lindur shumë natyrshëm tek ajo. Pas daljes në pension ajo vendosi të çojë përpara pasionin e saj dhe të marrë leksione pikture. Kontaktoi me një mësuese të re dhe ndoqi kurse vizatimi për afro dy vjet. Kur mësuesja 25-vjeçare e Anezka-s, e cila tani njihet me emrin Agnes, ndërroi jetë studentja e saj simpatike vendosi ta çonte deri në fund punën e saj. Ajo pikturon çdo fasadë shtëpie ose rruge me motive lulesh blu që ngjajnë me motivet e dekorimit të porcelanit.
Arsyeja e kësaj zgjedhjeje?
Shumë e thjeshtë. Ngjyra blu është ngjyra e detit, qiellit të pafund dhe qetësisë. Ajo simbolizon shpresën, besimin dhe natyrën e panënshtrueshme të njeriut. Boja që përdor në pikturat e saj është e një cilësie shumë të mirë dhe nuk fshihet lehtë. Por dhe kur ndodh Agnes nuk përton të ripikturojë. “Është një ngjyrë që duket shumë e shtrenjtë dhe të jep një përshtypje të një cilësie të lartë. Pikturat mund të qëndrojnë për të paktën dy vite ose më shumë”, thotë ajo.
Kur e pyesin pse e bën këtë gjë? Agnes përgjigjet: “Po bëj atë që dua. Dua të pikturoj botën për ta bërë një vend më të mirë. Ky është misioni im derisa të kem jetë”.
Burimi: Incredibilia
