Thai Ngoc, një fermer vietnamez që pretendon se nuk ka fjetur që nga viti 1963 tregon se si është të jetosh pa fjetur gjumë.
Ngoc, i cili është rreth të 80-ave, thotë se thuajse nuk ka fjetur që nga fillimi i viteve 1960 pasi kaloi një temperaturë të lartë.
As recetat mjekësore që iu dhanë nuk e ndihmuan dhe as spitali ku ai u vizitua nuk mund të jepte një shpjegim për gjendjen e tij shëndetësore shumë të rrallë.
“Është zhgënjyese. Çfarë sëmundje e çuditshme. Kur shoh të tjerët duke fjetur bëhem xheloz. Netët me hënë, zakonisht dal jashtë për të pastruar barërat e këqija dhe për të punuar tokën, sepse të rrish ulur dhe të mos bësh asgjë është e padurueshme”, pretendon ai.
Ndërsa gjendja e tij vazhdon të shqetësojë familjen e tij, disa thonë se pagjumësia e vazhdueshme është e lidhur me një rast të pazakontë të stresit post-traumatik nga Lufta e Vietnamit, e cila zgjati nga viti 1955 deri në vitin 1975.
YouTuberi, Drew Binsky shkoi në Vietnam për të mësuar rreth gjendjes së tij.
“Unë udhëtova dy ditë nga Arizona në një fshat të vogël në Vietnamin e Jugor për ta gjetur atë, qëndrova me të gjithë natën për të parë nëse ishte e vërtetë që ai nuk flinte”, tha Binsky.
“Me siguri po pyesni se çfarë bën gjatë gjithë kësaj kohe që nuk fle, Ngoc shpjegoi se me punën e tij në fushë ai përgatit verë nga orizi gjatë natës”, shton Binsky.
“Pasi kalova një natë më të mund të them se ai shtrihet disa herë në shtrat, po nuk i mbyll sytë pothuajse fare. Nuk e di se pse ndodh kjo, por mendoj se lufta ka pasur një ndikim të madh pagjumësinë e Ngoc. Mund të them se ai pi të paktën 70 cigare në ditë dhe konsumon të paktën gjysmë litri verë orizin që ai e përgatit vetë”, përfundoi Binsky.
“Kur ai pi disa gota verë, lodhet pak, por jo aq sa për ta zënë gjumi. Megjithatë, një përkthyes tha se kur ai pi shumë, ai fle pak, ndoshta një orë ose dy. Por shumicën e kohës, rreth orës 4 të mëngjesit ai shkon të shtrihet në shtratin e tij, por nuk fle sepse mendja e tij ende punon sikur të jetë akoma zgjuar”, shtoi Binsky.
Kjo histori ka ngjallur shumë reagime në rrjetet sociale, por ende nuk ka specialistë që të japin komente mbi këto pretendime, apo t’i verifikojnë ato, duke bërë që e gjithë kjo të mbetet mister… ose e bazuar vetëm në pretendimet e të moshuarit.
Top Channel
