Futbollisti gjerman, Jerome Boateng, është duke u hetuar nga prokurorët gjermanë pasi dyshohet se ai ia kishte shqyer veshin të dashurës së tij Kasia Lenhardt, pak më shumë se një vit para vdekjes së saj.
Këto dyshime kundër futbollistit kishin nisur për herë të parë në vitin 2019, ndërkohë që tani është rihapur nga prokurorët, pas informacioneve të reja që janë mbledhur nga policia e Berlinit që po heton për ngjarjen.
Futbollisti është akuzuar se e kishte lënduar qëllimisht modelen gjermane në tetor të vitit 2019. Ai ishte ndarë me atë po këtë vit, vetëm disa javë para vetëvrasjes së saj.
Prestigjozia “MailOnline” ka raportuar se më 10 shkurt të këtij viti, është rihapur çështja kundër 32-vjeçarit, pasi janë mbledhur informacione që kanë nxitur rihapjen e rastit. Futbollisti akuzohet të ketë shkaktuar lëndime të rrezikshme trupore ndaj saj.
Senler është nëna e dy fëmijëve të Boateng – vajzave binjake Soley dhe Lamia, të lindura në vitin 2011. Lidhja e tyre kishte nisur në vitin 2007 dhe kishte përfunduar në vitin 2018.
Kujtojmë se menjëherë pas ndarjes, futbollisti nisi lidhjen me modelen xhamajkane, Rebecca Silvera, Ndërsa më vonë u lidh me Kasia Lenhardt, e cila ishte bërë e njohur si pjesëmarrëse në spektaklin gjerman të modeleve, “Next Top Model”.
