Edhe pse 56 vjeç, duket se për aktoren e famshme Pamela Anderson mosha është thjesht një numër për të.
Anderson nuk mund të mungonte në eventin e ‘Java e Modës në Paris’ dhe për këtë ndryshe nga VIP-at e tjerë zgjodhi të ishte e thjeshtë në paraqitjen e saj.
Ajo u shfaq totalisht pa make-up në fytyrë në prezantimin e koleksionit të veshjeve të grave Isabel Marant Pranverë/Verë 2024.
56-vjeçarja kishte zgjedhur një look të thjeshtë, me flokë të lëshuara dhe sigurisht pa grim.
“I vura re të gjithë njerëzit që e tepronin me grimin dhe tani, më duket sikur po dal kundër gjithë asaj mode”, tha ajo.
Megjithatë pamja e saj ja doli të tërhiqte gjithë të ftuarit. Pamela dukej një yll edhe pa ‘make up’ ku vuri edhe njëherë në pah me tiparet e saj të rregullta.
