Dukesha e Sussex, Meghan Markle shkëlqeu e veshur me një fustan “Oscar de la Renta” gjatë pjesëmarrjes në Australian Geographic Society Awards, këtë të premte.
Çifti mbretëror arriti në Sydney me një fluturim charter nga Tonga vetëm pak orë më parë. Meghan, e cila pret fëmijën e saj të parë me Princin Harry, dukej mahnitëse me fustanin përrallor bardhezi me dizajn zogjsh.
Fustani i dukeshës ishte punuar me mjeshtëri nga Sarah Esmoingt, një stiliste franceze e cila punon për Oscar de la Renta.
Meghan kishte zgjedhur një look miniml sa u përket flokëve dhe makijazhit. Pak onde të lehta dhe të kthyera në njërën anë dhe një shkëqlyes nude i buzëve e bënin dukeshën të dukej mjaft natyrale.
Mbërritja e çiftit mbretëror nuk kaloi pa një dramë të vogël pasi avioni i tyre anuloi uljen dhe bëri një xhiro në ajër para se të zbriste në tokë.
Piloti vuri re se një tjetër aeroplan ndodhej në pistën ku po uleshin dhe ai po largohej shumë ngadalë. Pasi bënë një tjetër shëtitje, Meghan dhe Harry zbarkuan në mënyrë të sigurt.
