Është shtyrë sërish gjyqi ndaj Klodian Çalamanit i cili u dërgua me forcë në Gjykatë, pasi mungoi në 3 seancat e tjera.
Mësohet se vendimi u mor për shkak të mungesës së familjarëve të 8-vjeçarit në seancë. Raportohet se ata janë në gjendje të rënduar psikologjike pasi pak ditë më parë, më 16 nëntor, ishte përvjetori i vdekjes së të miturit.
Klodian Çalamani do të përballej në gjyq me akuzat për “vrasje dhe marrëdhënie seksuale me dhunë”.
Ai u dërgua nga policia në gjykatë në masa të rrepta sigurie. Efektivët ishin të armatosur deri në “dhëmbë”.
Uniformat blu krijuan një perimetër sigurie, dhe e futën me shpejtësi në ambientet e gjykatës.
Klodian Çalamani hyri në gjykatë nga dera e përparme që përdoret nga administrata, e jo nga hyrja ku hyjnë të gjithë të akuzuarit e tjerë.
Ky veprimi i policisë u bë për të shmangur përballjen me familjaret apo të afërm të familjes se 8-vjeçarit të vrarë, por edhe nga opinioni publik.
NGJARJA:
Një fëmijë në moshën 8-vjeçare, Mateo Vasiu, është rrëmbyer nga fqinji i tij i identifikuar si Klodian Çalamani. Një i afërm i të miturit ka treguar asokohe se lajmin e ka marrë vesh nga e motra e cila ndodhej në Itali, ndërsa kërkoi drejtësi për këtë vrasje.
“Më mori motra në Itali. Se dinim që ishte ashtu. Ky është shteti. Duam drejtësi. Nuk dimë që të kenë pasur konflikte. Motra ime më tha në Itali për ngjarjen. Se di”, ka thënë ai.
Autori e qëlloi pa mëshirë të miturin me lopatë, pasi e kishte rrëmbyer. Gjatë kësaj kohe mësohet se i mituri ka qenë duke bërë xhiro me biçikletën e autorit. Pasi e ka rrëmbyer, Klodian Çalamani e ka vrarë 8-vjeçarin me lopatë dhe më pas e ka mbuluar me baltë në oborrin e banesës së tij. Kamerat e sigurisë kanë kapur momentet e fundit. Banorët e zonës janë të tronditur nga kjo ngjarje e rëndë. Njëri prej tyre tregon se autori jetonte në një godinë që më shumë se si banesë ngjante me një kasolle.
Prinderit e 38 vjecarit janë te ndare. Mamaja ne Maqedoni e martuar, babai dhe vellai burg ne Greqi, ndersa ai jetonte i vetem beqar.
