25 nëntori shënon ditën e ndarjes nga jeta të legjendës së futbollit, Diego Armando Maradona. Në një vjetorin e vdekjes, djali i tij, Diego Maradona Jr e ka kujtuar të atin me fjalët më prekëse. Ai shkruan se i mungon shumë dhe se kanë shumë gjëra për të bërë së bashku dhe për të parë ndeshjet e Napolit.
“Mund të zbresësh të paktën për një minutë, të përqafohemi, të qesësh pak me mua … do të kisha kaq shumë gjëra për t’ju thënë, kaq shumë këngë për të kënduar së bashku dhe për të parë ndeshjet e Napolit. Fluturo lart sa të mundesh! Unë të dua dhe më mungon shumë!”, shkruan Maradona Jr, i cili është trajner futbolli.
View this post on Instagram
Diego Maradona është një nga futbollistët më të mëdhenj të të gjitha kohërave, teksa do të kujtohet gjithmonë Kupën e Botës që i dha Argjentinës me dy golat e tij, një që u cilësua si më i bukuri i shekullit dhe tjetri që ishte e famshmja “Dora e Zotit”.
Maradona u nda nga jeta në 25 nëntor të vitit 2020 në moshën 60-vjeçare, pas një operacioni në tru që rezultoi fatal për të. Vdekja e tij është konsideruar shpesh e qëllimshme dhe mjekët e inferimerët që kryen operacionin e tij përballen me akuza të rënda për vrasje.
Autopsia e Maradonës përcaktoi se ai vdiq në gjumë nga edemë pulmonare akute, një grumbullim i lëngjeve në mushkëri, për shkak të dështimit kongjestiv të zemrës.
Raporti i toksikologjisë nuk zbuloi alkool apo substanca të paligjshme, por ilaçe psikotrope të përdorura për trajtimin e ankthit dhe depresionit ishin të pranishme.
