Një ndër emrat jo pak të njohur të ekranit, Ina Kollçaku, ka treguar së fundmi se është infektuar me Covid-19.
Duket se as ajo s’ka mundur t’i shpëtojë dot virusit, i cili e ka “rraskapitur” dhe e ka lënë në gjumë për 17 orë, siç ka treguar vetë Ina.
Në një status në InstaStory-n e saj, Ina shkruan:
“Kam qenë duke fjetur për 17 orë. Si po e përballoj Covid-19.”
Megjithatë, Ina nuk tregon ç’simptoma të tjera ka pasur dhe si është tashmë gjendja e saj shëndetësore, ndërsa ne i urojmë shërim sa më të shpejtë!
Më herët, ajo u përfshi në një debat virtual me Arjan Konomin, përsa i përket termave “seksizëm” dhe “pervers” që u përdorën në “Për’puthen”.
Arjani u shpreh se termi “pervers” do të thotë zgjedhje jo e zakonshme, ndaj Ina iu përgjigj:
“Sapo kuptova që fjala perverse qenka krijuar nga Arjan Konomi dhe ka kuptim një zgjedhje jo e zakonshme. O Zot!
Seksizmi është term i lidhur vetëm me paragjykimet me bazë gjinore. Psh: Vajzat/gratë veshin rozë. Pse ke veshur bluzë rozë si vajzë?
Djemtë/ Burrat punojnë në ndërtim. Pse burrë je ti të punosh në ndërtim?
Fjala femër madje është traumatike për një feministe, nëse nuk po përdoret vetëm për seksin, psh në pasaportë. Vajzë dhe grua është i vetmi term i saktë. Unë kur dëgjoj “jemi femra” më vjen të vdes.
Ngacmimi seksual nuk është seksizëm. Ngacmimi seksual është ngacmim seksual! Seksualisht ngacmohen vajzat, djemtë, homoseksualët, biseksualët, transseksualët dhe unësi sapioseksuale sa herë dikush thotë diçka idjote!
Ju përshëndes tani! Zoti mbroftë adoleshentët që kanë këto shembuj! Uroj të harrojnë me moshë ça kanë dëgjuar sot! Ju lutem, blini një libër!”
