Këngëtarja shqiptare Era Istrefi ka njoftuar fansat e saj për një tjetër surprizë që ka marrë nga Suedia. Ajo ka marrë çmimin për shitje në industrinë muzikore në këtë vend dhe është nderuar me “Pllakën e Artë”.
“Shumë e nderuar që mora Pllakën e Artë në Suedi”, ka shkruar Era teksa ka postuar një fotografi me çmimin e ri.
Këto çmime ndahen nga Federata Ndërkombëtare e Industrisë Fonografike, që vepron në 66 shtete të botës.
Era, e cila u bë pjesë e kompanisë Sony Music është duke korrur suksese të njëpasnjëshme, ndërsa fansat janë duke pritur për këngën e re që pritet të dalë shumë shpejt.
