Skandali Andi-Tea-Beart ka qenë një nga çështjet më të diskutuara gjatë kësaj jave në mediat rozë dhe jo vetëm. Ishin vetë Tea dhe Bearti, që vendosën të publikonin fotot e tyre si çift dhe kështu nisi e gjithë historia me sulme e akuza kundër produksionit dhe e anasjellta. Tea dhe Andi u shprehën në deklaratat e tyre se i kishte detyruar produksioni të dilnin çift nga programi sepse ata të dy kishin kërkuar prej kohësh të dilnin që andej.
Pas këtij skandali u publikuan disa imazhe që shtonin dyshimet për një tjetër lidhje të fshehtë, Andi-Melisa, për të cilën në fakt përflitej prej kohësh. Melisa i ka mohuar të gjitha akuzat, mirëpo thashethemet vazhdojnë ende. Madje Shqipe Hysenaj, ish-konkurrentja që zbuloi e para edhe lidhjen mes Teas e Beartit, është shprehur në një intervistë se Andi dhe Melisa kanë nisur bashkëjetesën me njëri-tjetrin.
Ndërkohë skandalet brenda “Për’puthen” duket se nuk kanë fund dhe nuk do mbyllen me kaq. Së fundmi në media po qarkullon lajmi se Ledjana Prenga, vajza që ju bashkua programit disa javë më parë, është e fejuar.
Në rrjet po qarkullojnë disa thashetheme sipas së cilave, Ledjana është e fejuar dhe se partneri i saj ndodhet në burg në Belgjikë. Mirëpo këto fjalë nuk janë konfirmuar ende dhe nuk dihet se sa të vërteta janë. Megjithatë siç thotë edhe populli ku ka zë s’është pa gjë, por para se të dalim në përfundime presim një reagim nga vetë konkurrentja e “Për’puthen”.
