Jonida Shehu nuk do të jetë më prezantuese e “Pasdite në Top Channel”.
Ditën e sotme moderatorja nuk do të shfaqet në pasdite për të moderuar emisionin e saj. Vetë Jonida e ka konfirmuar lajmin duke thënë se nuk është më pjesë e Pasdites që ditën e premte dhe se arsye e largimit ishte për faktin se ndjehej e papërshtatshme në atë pozicion.
Më tej prezantuesja rrëfen se ky vendim i saj ishte i pakthyeshëm. Nga ana tjetër “Top Channel” është shprehur në një qëndrim zyrtar se çështjen do ta çojë në gjykatë për largimin jo profesional të Shehut.
Nga ana tjetër është zbuluar edhe drejtuesja e re të këtij formati. Mësohet se “Pasdite në Top Channel” do të moderohet nga spikerja e lajmeve Juli Krisafi.
