Prej disa muajsh këngëtarja Elhaida Dani nuk ka sjellë asnjë projekt të ri muzikor në tregun shqiptar. Por mesa duket gjatë kësaj kohe ajo ka qënë duke punuar për këngën e re me të cilën tashmë synon edhe tregun ndërkombëtar.
Këtë e ka bërë të ditur vetë këngëtarja përmes Instagramit me videon e publikuar ku ajo dhe këngëtari i famshëm kanadez Nathanel po përgatisin bashkëpunim e tyre.
“Kjo tregon që tashmë bota është kaq e vogël … Nga Kanadaja në Australi krijuam një këngë që e dua shumë dhe mezi pres t’jua tregoj! Ja një paradhënie të këtij dueti që do të publikohet në tetor” – shkruan Elhaida.
Nga video e publikuar kuptohet se kënga do të vijë e kënduar në gjysëm anglisht dhe gjysëm italisht. Urojmë që ky bashkëpunim të jetë një ogur i mire për suksesin ndërkombëtar të këngëtares shqiptare.
