Thashethemet e shtatzënisë janë ato që trëheqin vëmendjen e fansave dhe të mediave. Këngëtarja shqiptare Xhensila Myrtezaj po e mban të fshehtë shtatzëninë e saj, pavarësisht se fansat dyshonin prej kohësh dhe një burim zbuloi për “Iconstyle.al” se ajo është 5 muajshe shtatzënë, pret një vajzë.
Tashmë prej javësh në mediat e huaja po qarkullojnë thashethemet për shtatzëninë e reperes amerikane Cardi B. Ndërsa ajo dhe i dashuri i saj Offset kanë mohuar lajmet, një burim i afërt i Cardi zbuloi se ajo është vërtetë shtatzënë dhe pret të sjellë në jetë fëmijën e parë në korrik.
Pavarësisht se ajo do të lindë në verë, ndryshe nga Beyonce, nuk do ta lejojë shtatzëninë që ta ndalojë nga performimi në “Coachella”.
Burime për TMZ thanë, se ajo pritet të bëhet nënë në javët e para të korrikut dhe do të jetë 7 muajshe kur të ngjitet në skenë muajin e ardhshëm, në “Coachella”.
Ajo u pyet në shkurt nëse ishte shtatzënë, por e mohoi, të njëjtën gjë bëri dhe i dashuri i saj.
Burimet thonë se Cardi do të punojë derisa të lind, si p.sh. do t’i kalojë dy javët e fundit të shtatzënisë në studio për të regjistruar dhe kompletuar albumin e saj. Ajo është e interesuar edhe të shkojë në turneun e Bruno Mars në shtator, vetëm 2 muaj pasi të jetë bërë nënë.
Foshnja do të jetë fëmija i parë i Cardi B, por i katërti për partnerin e saj Offset. Ai ka tre fëmijë, djemtë Jordan dhe Kody, si dhe vajzën Kalea Marie.
Burimi: HypeBeast
