Personazheve të shumë të “Për’puthen” që i janë futur muzikës me hyrjen e tyre në emision, iu bashkua edhe ish-konkurrenti Kristian Marcinaj.
Pas largimit nga programi, Kristiani i është përkushtuar më shumë këtij pasioni dhe ka ndarë me ndjekësit në Instagram freestyle-in e tij të parë.
“Illusion”- titullohet pjesa që ai e performon në një video për të gjithë ndjekësit e tij, ndërsa komentet kanë qenë pozitive.
View this post on Instagram
Kujtojmë se Kristiani u largua nga “Për’puthen” pas një debati të ashpër me Arjan Konomin, për shkak të çajit të famshëm Matcha.
Opinionisti akuzoi Kristianin se ai sillte drogë në emision dhe ia jepte konkurrentëve, ndaj Erlindi ishte aq i hutuar në takimet e tij sipas Arianit.
Akuzat e Konomit ishin të ashpra, ndaj Kristiani dhe Erlindi u detyruan të ndërpresin emisionin dhe i kanë bërë thirrje opinionistit t’i kërkojë falje publike për njollosjen e emrit të tyre.
I ftuar “N’Kosovë Show”, Kristiani tregoi se nuk e kuptoi si rrodhën ngjarjet në atë mënyrë, pasi ishte vetë Arjani që i kishte kërkuar vetë më herët çaj, teksa ishin ulur në kafe.
“Unë nuk kam asgjë personale me Arjanin, paçka se përshtypja ime që në hyrje ka qenë një përshtypje që ai e ka kthyer protagonizmin tim personal. Pra, për arsye të caktuara, varet si më ka analizuar me atë syrin e tij kritik, por që edhe nëse ai do më jepte mua këshilla, nga të cilat unë të rritesha, unë i mirëpres ato këshilla sepse unë mund të mësoj nga kushdo përderisa ato këshilla janë të arsyeshme. Ama nuk më pëlqeu ky sulm që më bëri, por nuk ngelet si urrejtje. Me kohën do qartësohet dhe eksperienca e tij mediatike. Nga ajo që kam dëshmuar kam vënë re që ai është një person që di të kërkojë falje dhe unë e pres nga ai. Përderisa ai e ka bërë akuzën publike dhe unë kam të gjithë të drejtën që t’i kërkoj të kërkojë falje publike. Kur një individ ka një pozicion aq të lartë në media, edhe nëse do ishte e vërtetë, minimumi që mund të bënte ishte të më merrte privatisht dhe të më këshillonte si një prind. Jo një akuzë aq e ashpër publike, sepse unë para një jave e takova dhe më tha ee ke nga ai çaji jot. Ma kërkoi çajin në kafe, mund ta kishte edhe si batutë apo sarkazëm ama ne ishim në kafe, u takuam miqësisht dhe nuk kishte asnjë ekzagjerim për këtë temë. Ndodhi si goditje befasisht”- tregoi ish-konkurrenti.
