Pritjes së ëmbël i ka ardhur fundi dhe Princesha Eugenie është bërë nënë për herë të parë. Ditën e djeshme, 9 shkurt, ajo ka sjellë në jetë një djalë. Lajmi është bërë publik nga vetë Princesha Eugenie dhe mediat britanike.
Është bërë e ditur se vogëlushi ka ardhur në jetë në orën 8:55 të mëngjesit dhe se princesha bashkë me foshnjën gëzojnë shëndet të plotë. Mësohet gjithashtu se i pranishëm në lindjen e të birit ka qenë edhe bashkëshorti i Princeshës, Jack Brooksbank.
Dyshja ndanë lajmin me një foto bardh e zi në Instagram, bashkëngjitur me figurën e një zemre blu. Vogëlushi i Eugenie dhe Jack, është edhe nipi i parë për Princin Andrew dhe dukeshën e York-ut.
View this post on Instagram
Lajmi për shtatzëninë e princeshës u dha në shtator të vitit të shkuar dhe ajo u shpreh e lumtur se në 2021 do të priste një fëmijë.
Eugenie, 30 vjeç, ndau lajmin e bukur në Instagram me një foto të ëmbël të dy papuçeve të bebushit me mbishkrimin: “Jack dhe unë jemi shumë të lumtur për fillimin e vitit 2021”.
Princesha Eugenie dhe Jack Brroksbank u fejuan në janar të 2018 dhe u martuan nëntë muaj më vonë në një kishë në kështjellën Windsor.
