Ata u fotografuan së bashku të buzëqeshur vetëm pak javë më parë, por duket se gjërat tashmë nuk shkojnë dhe aq mirë për Anna Tattangelo dhe Gigi D’Alessio-n.
Çifti i famshëm i këngëtarëve duket se po has probleme në çift dhe siç përflitet nga burime pranë tyre, arsyeja është largimi i Tatangelo-s për të marrë pjesë në turneun promovues të filmit “Un Natale al Sud”, ku ajo shihet në rolin e aktores.
D’Alessio e shoqëroi bashkëshorten në premierën e saj në Romë dhe fakti që ajo ka zgjedhur ta vazhdojë turneun pa të, duket se nuk i ka pëlqyer këngëtarit të famshëm.
Në këtë situatë nuk ka kontribuuar për mirë as deklarata e Valeria Marini pak ditë më parë, e cila u shpreh se Gigi i kishte asaj para borxh dhe se do të bënte mirë t’ia kthente sa më shpejt. D’Alessio dhe Tatangelo kanë një histori 10-vjeçare së bashku si dhe një djalë të quajtur Andrea.
Burimi: Corriere.it
