Johnny Depp feston sot 61-vjetorin e lindjes. Aktori amerikan ka portretizuar qindra role që kanë lënë gjurmë në kinematografinë e “Hollywood”. Ai është një aktor, skenarist, regjisor, producent.
Për interpretimin e tij me mjeshtëri të roleve ai mori Globin e Artë, por nuk ka një Oscar në koleksionin e tij, edhe pse ai u emërua disa herë për këtë çmim prestigjioz.
Emri i aktorit është përfshirë në Librin Guinness, si artisti më i paguar. Duke folur për biografinë e Johnny Depp, nuk mund të mos përmendësh serinë e njohur të filmave “Piratët e Karaibeve”, ku ai luajti rolin e personazhit kryesor: Jack Sparrow.
Gjyqi i gjatë i Johnny Depp dhe Amber Heard, për çështjen e dhunës në familje, solli në plan të parë jetën e stuhishme personale të aktorit.
Ylli 61-vjeçar deri pak kohë më parë, konsiderohej si një nga aktorët më joshës në Hollywood, duke pasur gjithmonë në krah gra shumë mbresëlënëse.
Ai ka kaluar dy martesa, tre fejesa të dështuara dhe shumë marrëdhënie të trazuara me yjet e njohura të showbizit ndërkombëtar.
