Para një muaji, moderatorja e njohur shqiptare, Eni Vasili u bë nënë për herë të parë. Ajo solli në jetë dy vajza, të cilave ju vendosi emrat Nikol dhe Sofi.
Momentet më të bukura, të dokumentuara në fotografi i mblodhi të gjitha bashkë dhe i publikoi në Instagram ku dhe tregoi tortën ngjyrë rozë me emrat e vogëlusheve, këmbët dhe duart e tyre të vockla. Në këtë kolazh nuk kishte si të mungonte dhe një foto mjaft e ëmbël e moderatores me dy vogëlushet e saj.
View this post on Instagram
Kujtojmë se pas lindjes, Vasili postoi në Instagram foton e parë të vajzave, që erdhën në jetë të shëndetshme. Në imazh shfaqeshin dy duart e vogla të vajzave të kapura pas gishtit të Enit. Moderatorja e përshkoi takimin e parë me to si një magji të vërtetë.
“Takimi ynë i parë ishte një magji. Sofi dhe Nikol me risollën në jetë me lindjen e tyre. Të bekuara qofshin. ❤️??” – shkroi Eni përkrah fotos së ëmbël.
View this post on Instagram
Më herët moderatorja ishte e ftuar në emisionin “Në kurthin e Piter Pan” dhe e gjendur përballë fëmijëve, iu desh t’ju përgjigjej shumë pyetjeve për jetën e saj personale. Ajo rrëfeu se partnerin e saj, Armandin, e ka njohur në Tiranë nga disa miq të përbashkët.
“Burrin e kam njohur në Tiranë. Ai ka jetuar në Londër, por kishte ardhur në Tiranë për disa punë të tijat. U njohëm nga miq të përbashkët. Atij iu prishën ca plane pastaj, por s’ka gjë…” – tha moderatorja duke shtuar se ajo tashmë e ka vendosur që nuk mund ta lërë profesionin e saj, ndaj bashkë me bashkëshortin do të vazhdojnë jetën në Shqipëri.
