Ka kaluar pothuajse një muaj që nga dita e masakrës së Selenicës, ku Ritvan Zykaj vrau me armë zjarri 8 të afërmit e tij. 24-vjeçari tashmë ndodhet në qelinë e paraburgimit të Vlorës dhe është në pritje të vendimit që gjykata do të japë në lidhje me të.
Që pas kryerjes së krimit të rëndë familjarët e tij e kanë braktisur . Gjatë gjithë ditës qëndron i vetëm në qeli, ndërsa në duar mban libra të sugjeruar nga psikologët. Nuk dihet nëse i lexon me të vërtetë ata, apo i mban thjesht në dorë, por një anëtar i stafit ka thënë se në një moment kur ka hyrë në qeli ai e mbante librin mbrapsht.
Ritvani ushqehet me ushqimin e burgut sepse autoritetet nuk lejojnë që atij t’i vijnë ushqime nga jashtë për arsye sigurie. Mirëpo nga ana tjetër edhe familjarët nuk janë shfaqur për t’i sjellë ushqime shtëpie.
Mësohet se i vetmi rast kur një familjar vizitoi 24-vjeçarin, ishte kur i dërguan disa veshje të nevojshme dhe që atëherë askush nuk është interesuar për të.
Burime pranë paraburgimit të Vlorës kane bërë me dije se Ritvani nuk ka treguar asnjë shenjë pendese për krimin e bërë, madje është shprehur se do ta vriste sërish në çdo rrethanë njërën prej grave që e ekzekutoi ditën e masakrës.
Burimi: Balkanweb
