Vetëm disa ditë më parë u konfirmua lidhja e njërit prej çifteve më të njohur të showbiz-it, Camila Cabello dhe Shawn Mendes.
Megjithëse ishin parë shumë të afërt në shoqërinë e njëri-tjetrit, këngëtarja deklaronte se Shawn ishte vetëm shoku i saj. Mirëpo, fotot ku shkëmbenin puthje në buzë i nxorrën zbuluar dhe duket se çifti tashmë s’e ka aspak problem ta bëjë këtë në publik.
Së fundmi, Shawn dhe Camila janë fotografuar nga fansat teksa putheshin në një vend publik, ndërkohë që Camila po e shoqëron të dashurin gjatë turneve të tij.
Një muaj më parë, çifti publikoi bashkëpunimin e famshëm “Senorita”, i cili ishte pikënisja e lajmeve për një lidhje të mundshme mes tyre.
