Këngëtari Sinan Hoxha dhe bashkëshortja e tij Andrra Destani prej dy vitesh janë bërë prindër të një djali, të cilin e kanë pagëzuar me emrin Ansi. Ndërkohë që vogëlushi i tyre rritet çdo ditë, me sa duket çifti i njohur ka filluar që të mendojë ta zgjerojë familjen dhe me një pjesëtar të ri.
Në një komunikim me fansat në Instagram në opsionin pyetje-përgjigje Andrra ka zbuluar edhe se çfarë dëshiron që të jetë fëmija i saj i dytë.
“Për Ansin e vogël dëshiron një vëlla apo një motër, ke dëshirë?”, e pyet një ndjekës Andrrën.
Bukuroshja nuk ka hezituar t’i përgjigjet fansit duke zbuluar se dëshiron një motër për djalin e saj.
“Motër sigurisht”, i përgjigjet Andrra.
Ndër të tjera në këtë komunikim me fansat Andrra ka zbuluar se si do të quhej djali i tyre nëse nuk do të kishte emrin Ansi.
“Anuar”, ka shkruar Andrra.
