Tre vite më parë, trashëgimtarja e “Top Channel”, Sara Hoxha, u bë nënë për herë të parë.
Ajo dhe Ledion Liço u bënë prindër të një vogëlushi të cilin e pagëzuan me emrin London.
Megjithëse në moshë fare të re, Sara ia ka dalë të jetë një mama shembullore dhe ta edukojë siç duhet fëmijën e saj.
Tashmë që London është 3 vjeç, me siguri është i tërhequr nga teknologjia si të gjithë fëmijët e tjerë.
Mirëpo, për të mirën e tij Sara është bërë një mama “e rreptë”, duke i vendosur disa kushte të birit.
Në familjen e tyre, teknologjia lejohet vetëm të shtunave, siç ka treguar vetë trashëgimtarja e “Top Channel” në një postim në InstaStory.
Për këtë arsye, London zgjohet me dëshirë të shtunave për të parë kukullat e tij të preferuara.
“Të shtunat janë e vetmja ditë kur Londonit i lejohet teknologjia, kështu që zgjohemi me shumë dëshirë”, shkruan Sara krahas fotos.
Në tetor të vitit 2019, familja e Sarës dhe Ledionit u bekua me një tjetër djalë, për të cilin zgjodhën emrin Roman.
Madje, një foto me të voglin ajo e ndau edhe me ndjekësit e saj në Instagram ditën e sotme.
Sara, Ledioni dhe Romani shfaqen në ashensor, teksa shkrepin një pozë para pasqyrës.
