Një kompani software-sh ka gjetur një mënyrë për të parandaluar përdoruesit e Netflix, që të shkëmbejnë fjalëkalimet e platformës së filmave.
Ky është një lajm i keq për ata persona që shohin filma nga një profil tjetër, jo personal, dhe nuk paguajnë, por është edhe një lajm i mirë për ata që e japin password-in e Netflix-it “nga halli”.
Shkëmbimi i rastësishëm i fjalëkalimeve praktikohet nga më shumë se një e katërta e përdoruesve, sipas shifrave nga kompania që merret me kërkimet në treg, Magid.
Shifra të veçanta nga firma kërkimore Parks Associates parashikojnë se çdo vit, ka 1.2 miliardë $ humbje në të ardhura nga shërbimet e transmetimit.
Sistemi i ri AI, do të mund të dallojë aktivitetin tuaj në Netflix, dhe të kuptojë nëse llogaria po përdoret në dy vende të ndryshme brenda periudhave të ngjashme kohore.
Ideja e këtij sistemi është që të vihen në dukje rastet e klientëve që shkëmbejnë të dhënat e tyre në mënyrë të paligjshme dhe të kufizojë numrin e shpërndarjes së fjalëkalimeve.
/The Independent
