Hilaria Baldwin konfirmoi se humbi fëmijën e saj, vetëm pak ditë pasi dha lajmin se kishte frikë se diçka e tillë mund të ndodhte.
Nëna e katër fëmijëve dha lajmin e trishtë të martën përmes një postimi në Instagram, ku pozoi me bashkëshortin, aktorin e njohur Alec Baldwin dhe katër fëmijët e tyre.
“Nuk kishte rrahje zemre sot në skaner… Kështu që mori fund… por unë kam disa rrahje zemrat të forta dhe të mrekullueshme këtu. Jam e rrethuar me kaq shumë dashuri dhe ndihem me fat. Faleminderit të gjithëve që më dëgjuat, për mbështetjen dhe që ndatë historitë tuaja personale. Jemi më të fortë bashkë. shpresoj që ky diskutim të rritet dhe ne të qëndrojmë bashkë në momentet e bukura dhe sfiduese të jetës. Shumë dashuri dhe mirënjohje për të gjithë ju”, shkroi ajo.
Ajo shkroi javën e kaluar se po përjetonte një moment të vështirë, pasi mund të humbiste fëmijën.
Hilaria ka katër fëmijë me aktorin e famshëm, vajzën Carmen dhe tre djem, Rafael, Leonardo dhe Romeo.
Ajo është instruktore joge dhe u martua me Alec Baldwin në qershor të 2012-s.
Burimi: Daily Mail
