Reperi shqiptar Gashi ka treguar një incident që i ka ndodhur në festivalin Sunny Hill, në momentin që ai u hodh drejt turmës për t’i përshëndetur të pranishmit.
Dikush i preku fytyrën dhe zinxhiri i tij me shqiponjë u këput dhe i ra përtokë.
Fatmirësisht Gashi arriti ta marrë mbrapsht varësen me simbolin shqiptar, por jo vathin i cili i humbi.
Para se ta bënte këtë, ai shpërtheu në fyerje në mes të koncertit duke thënë: “Mos ma prekni fytyrën!”
Duke parë reagimin e ashpër të fansave që janë ofenduar, reperi ka reaguar përmes disa postimeve në Instastory, ku tregon se e ka marrë sërish varësen me shqiponjë dhe se ishte faji i tij që i do fansat shumë dhe u hodh në pjesën e publikut për t’i përshëndetur.
“Gjëra të tilla ndodhin, është faji im që i dua shumë fansat”, u shpreh ai ndërsa i paralajmëroi që mos t’ia prekin kurrë fytyrën.
