Nëse lexuat horoskopin javor me siguri dalluat se një Hënë e Re ditën e premte do t’ju japë një energji pozitive. Nga ana tjetër në mbrëmjen e 30 shtatorit do të ndodhë dhe ajo që quhet si Hëna e Zezë, e cila nxit lindjen e konspiracioneve të ndryshme, që e lidhin këtë fenomen me apokalipsin.
Fenomeni që ndodh çdo 32 muaj shkaktohet, kur Hëna qëndron për pak minuta nën hijen e Tokës, duke u shndërruar kështu në një masë të errët. Megjithatë e veçanta e kësaj here qëndron se Hëna e Zezë vjen pas eklipsit diellor, që ndodhi më 1 shtator dhe që errësoi Diellin.
Dy ngjarjet kanë ndodhur kaq pranë njëra-tjetrës, sa teoricienë të ndryshëm kanë nisur të mendojnë që kjo është një shenjë që paralajmëron fundin e botës. Individë sidomos të fesë së krishterë kanë shkruar se një gjë e tillë është ilustruar dhe në Bibël, kur theksohet se dita e fundit e njerëzimit vjen atë herë kur: “Hëna do shndërrohet në e kuqe si gjaku…dhe më pas e zezë”.
Por lidhja e Hënës së Zezë të 30 shtatorit me fundin e botës, sipas shkencëtarëve, është e pakuptimtë. “Asgjë për t’u shqetësuar” thekson “Daily Mail”.
