Një foshnje e porsalindur është gjetur ditën e sotme në bodrumin e një pallati në Yzberisht. Sipas lajmeve të deritanishme ka qenë një banor i zonës që ka dëgjuar të qarat e foshnjës dhe ka lajmëruar forcat blu.
Foshnja e seksit femër u gjet e mbështjellë me batanije dhe u transportua menjëherë në spital, ku tashmë gjendja e saj paraqitet e stabilizuar.
Sakaq në njoftimin e Policisë së Tiranës thuhet: “Më datë 08.11.2023, në bodrumin e një pallati në Yzberisht, është gjetur e braktisur një foshnjë e sapolindur. Shërbimet e Policisë i kanë ofruar menjëherë ndihmën e parë foshnjës, e cila është transportuar me automjetin e Policisë, së bashku me stafin mjekësor, në spital. Grupi hetimor po punon për sqarimin e rrethanave të ngjarjes”.
Grupi hetimor ka nisur punën për zbardhjen e ngjarjes, identifikimin dhe gjetjen e prindërve të foshnjes së braktisur si dhe shkaqet e rastit të rëndë.
