Një emër i rëndësishëm i botës së modës do të jetë pjesë në dasmës mbretërore në Shqipëri, mes Princit Leka dhe Elia Zaharias. Teksa na ndajnë vetëm pak orë nga ceremonia madhështore, “Class” ka zbuluar një emër të rëndësishëm që do të jetë i pranishëm në festën që do të organizohet nesër.
Simon Xavier Guerrand-Hermès, trashëgimtar i brezit të pestë të familjes që themeloi firmën e njohur të modës në vitin 1837, anëtar i bordit të Hermès International dhe kryetari i Fondacionit për Paqen Guerrand-Hermès, është një nga të ftuarit që ka pranuar ftesën për të mbërritur në Tiranë.
Është pikërisht çanta Hermes që preferohej edhe nga Princesha e Monaco-s, Grace Kelly, në nder të së cilës, firma e quajti atë model çante, Hermes Kelly. Dhe ndërsa një tjetër aktore, tashmë në Shqipëri, kurorëzohet Princeshë, në dasmën e saj dhe të Princit, vjen trashëgimtari i kësaj familjeje mode që marrëdhënien me familjet mbretërore e ka pasur gjithmonë të konsoliduar.
