Pak pas publikimit të lajmit se Selena Gomez është shtruar në psikiatri për shkak të problemeve me shëndetin mendor, Justin Bieber është fotografuar i shkatërruar.
Selena ishte shtruar në spital dy herë brenda dy javësh, raportoi “TMZ”, dhe kjo situatë duket ta ketë shqetësuar këngëtarin, i cili mbërriti i pikëlluar në kishën e tij të mërkurën në mbrëmje.
Bieber mbërriti në kishë pa bashkëshorten e tij Hailey Baldwin, dhe shumë i mërzitur. Ai ngushëllohej nga shokët e tij ndërsa vendoste kokën në shpatullat e tyre.
Justin dhe Selena kanë pasur një marrëdhënie të vështirë me ndarje e pajtime, dhe së fundi i dhanë fund lidhjes në fillim të pranverës së vitit 2018.
Sipas burimeve të “TMZ”-së, shtrimet në spital të Selenës erdhën pasi ajo ishte “e dëshpëruar pas disa analizave që tregonin numrin e ulët të qelizave të bardha të gjakut pas transplantimit të veshkave.
Raporti pretendon se ajo përjetoi një “lëkundje emocionale” dhe se tani është në një institucion psikiatrik në East Coast duke ndjekur terapi.
