Blogerja shqiptare, Armina Mevlani ka lënduar këmbën e djathtë dhe me këtë rast ka ndërprerë të gjitha aktivitetet, përfshi këtu edhe Javët e Modës.
Në një publikim në profilin e saj në Facebook, Armina rrëfen se ky incident aspak i këndshëm, i ndodhi teksa ishte duke ecur rrugës, një ditë pas Shën Valentinit.
Bukuroshja brune shprehet mjaft e ndërgjegjshme për shëndetin, ndërsa shkruan se këtë situatë do të shfrytëzojë për të bërë një pushim nga puna dhe udhëtimet e shpeshta.
“Kjo është gjendje ime prej 5 ditësh që më ka bërë deri diku inaktive. Ndonjëherë e ngarkojmë veten me shumë punë apo strese ditore pa kuptuar se sa i rëndësishëm është shëndeti! Fraktura në këmbë do me zgjasë 1 muaj e dy jave ne vështirësi për te ecur dhe ku me ndodhi fiks një dite pas Shën Valentinit dhe jo duke bere seancën e përhershme te jogës apo palestrës por duke ecur thjeshte ne rruge. Nuk do ta kem te mundur pjesëmarrjen ne shume aktivitete , ashtu sikurse as në javën e modës e cila është pjese e punës sime në blogg, por jam duke e parë pozitivisht si një pushim (edhe pse në dyqan do vazhdoj të jem e pranishme) nga udhëtimet për pune. Gjithmonë kur diçka e tillë ndodh themi “syri i keq” por realisht duhet të jemi falënderues Zotit që na jep shëndet, të tilla gjera janë të parëndësishme kur mendoj se ka shumë njerëz të cilët vuajnë nga sëmundje shume të rënda!Amin”, shkruan Armina në Facebook.
