Ditën e nesërme, reperi Gashi feston ditëlindjen e tij dhe mbush plot 29 vjeç!
Vetëm një ditë para ditëlindjes, reperi shqiptar ka marrë dhuratën më të bukur, e cila e ka gëzuar jashtë mase.
Ai është renditur i pari në tabelën e “Billboard” dhe këtë lajm e ndau me ndjekësit e tij në Instagram.
Gashi publikoi një foto ku tregonte emrin e tij në “Billboard” dhe tregoi se kjo për të ishte dhurata më e mirë.
“Ditëlindja ime nesër! Kjo ishte dhurata më e mirë.”- shkroi reperi krahas postimit.
Ditën e djeshme, Gashi njoftoi se do të bëjë një hap të rëndësishëm në karrierë, pasi do të hapë labelin e tij.
“Unë kam nisur label-in tim të quajtur “423” dhe po kërkoj të nënshkruaj me një artist të ri. Artistët duhet që të kenë këngë të publikuara më parë”, shkruante Gashi në postimin e tij në Instagram.
