Është një nga ato martesa me shumë fryte dhe shembuj që mund të japë për çdo të dashuruar.
Ndaj marrëdhënia e këngëtarit Sabri Fejzullahu me bashkëshorten Nerën, tërheq gjithnjë vëmendjen kur bëhet publike.
Këtë herë ka mjaftuar një urim i këngëtarit për ditëlindjen e partneres për të na treguar sesa shumë dashuri ka mes tyre.
Fjalë zemre janë ato që Sabriu shpreh për “Nerushen”e tij siç i thotë me përkëdheli:
“Ti gëzim, lumturi, dashuri, motiv, buzëqeshje, mërzi, lot, sinqeritet, harmoni, bashkëshorte, nënë, gjyshe me virtytet më të mira që duhet të ketë një femër. Të gjitha këto i ke ti Nerush që sot ke ditëlindjen dhe sot gjithë ditën kam shkruar e fshirë sa e sa fjalë për ty. Po të uroj me zemër t’i presësh edhe 100 ditëlindje të tjera me shëndet, me buzë në gaz, me mirësi e me nip e mbesa, me dashurinë që ju dhuron e që merr nga ta. Eh sa shumë gjëra të tjera do të uroja shpirti im, po sa më shumë mundohem, aq më shumë po të hy në hak. E lus Zotin që gjithçka që është e mirë, ta kesh ti. Si gjithmonë ty të dua më shumë në këtë jetë që m’i di dhe m’i shëron dhimbjet e m’i kthen në buzëqeshje. Vetëm ty e me ty Lali”, ka shkruar Sabriu për ditëlindjen e Nerës.
Çifti i njohur ka më shumë se 32 vite bashkë dhe dashuria e tyre është një shembull për të gjithë çiftet e reja.
