Joe Jonas është kapur mat me Sophie Turner.
Këngëtari 27-vjeçar po kalon një romancë me yllin e filmit “Game of Thrones”, 20 vjeç, pasi u vunë re teksa qëndronin bashkë të përqafuar me njëri-tjetrin në eventin e MTV në Roterdam, Holandë, të dielën.
Çifti u fotografuan bashkë, teksa po kalonin pak kohë të ulur në podiumin ku do të mbahej eventi. Joe Jonas kishte hedhur krahun mbi supet e bukuroshes bionde, Sophie.
Kjo lidhje e 27-vjeçarit vjen si një surprizë për fansat, pasi herën e fundit që ai foli për lidhjet pranoi se kënaqet duke njohur njerëz të rinj në një ambient të përbashkët dhe me ndonjë gotë para, por nuk tha se ishte në një lidhje.
“I gjithë qëllimi është të njohësh dikë, të kalosh kohë me të dhe më pas, ti vendos: A dua ta bëj këtë gjë sërish? Një darkë e bukur, ndoshta një pije më pas dhe kjo është e përkryer”, është shprehur Jonas. Çifti janë parë bashkë për herë të parë në festën e Halloween-it dhe mësohet se lidhja e tyre po ecën mjaft seriozisht.
