Vajza e këngëtares së njohur të muzikës popullore në Kosovë, Shkurte Fejzës, Gresa Behluli gjithnjë është treguar tepër diskrete rreth jetës së saj personale, mirëpo së fundmi e ka thyer “rregullin” dhe ka vendosur që të japë një lajm të bukur nëpërmjet projektit muzikor më të ri.
Në klip, ajo shfaqet me barkun e rrumbullakosur. Kënga mban titullin “Numero Uno”, e cila para disa orësh është publikuar në Youtube.
Kujtojmë se më herët lart e poshtë thuhej se Gresa ishte në pritje të ëmbël. Artistja përflitej prej kohësh se ajo dhe bashkëshorti i saj, Lulzim Ibrahimi do të bëheshin prindër për herë të parë.
Ditë më parë burimet e afërta zbuluan se këngëtarja është në muajin e gjashtë, por gjinia e foshnjës nuk është bërë e ditur.
Megjithatë, këngëtarja nuk reagoi në lidhje me këto lajme, por zgjodhi mënyrën më të veçantë për ta pranuar se së shpejti në jetën e çiftit do të vijë një bebe.
Kujtojmë se në vitin 2019 këngëtarja ka kurorëzuar dashurinë në martesë me zv. presidentin e klubit prishtinas të basketbollit, Lulzim Ibrahimin.
Ajo shfaqej përrallore me fustanin e nusërisë duke kërcyer me bashkëshortin dhe njerëzit e afërm.
Në dasmën në fjalë kanë marrë pjesë personazhe shumë të njohur si Ramush Haradinaj me bashkëshorten e tij, këngëtaret Mihrije Braha, Irma Libohova, Gili dhe shumë emra të lakuar në media.
