Ministria e Shëndetësisë në Maqedoninë e Veriut ka bërë të ditur se 24 orët e fundit janë shënuar 26 raste të reja me Covid-19, duke e çuar në 285 numrin total të tyre.
Gjithashtu, u bë e ditur se virusi i kishte marrë jetën një 79-vjeçareje nga Dibra, e cila po trajtohej në Klinikën Infektive në Shkup.
Ajo ishte diagnostikuar me Covid-19 më 23 mars dhe pas përkeqësimit të gjendjes shëndetësore ishte shtruar në klinikë më 25 mars.
Kështu, numri total i jetëve të humbura në Maqedoninë e Veriut ka shkuar sot në 7.
Ministri i Shëndetësisë bëri të ditur se 9 pacientë janë shëruar plotësisht dhe janë lënë të lirë për t’u kthyer në shtëpi.
