Cher, 76 vjeç, bëri të ditur së fundmi se pas vitesh beqare, zyrtarisht ka një mashkull të ri në jetën e saj!
Pasi u fotografua për dore me producentin muzikor Alexander “AE” Edwards, 36 vjeç, ikona e pop-it hyri në Twitter për të konfirmuar se dyshja janë në lidhje.
Fansat filluan të dyshonin se diçka po ndodhte me këngëtaren kur ajo shkroi në Twitter më 1 nëntor, “Një pjesë e jetës sime është kaq e mrekullueshme”, me një emoji sy me zemër.
Menjëherë pas kësaj, më 3 nëntor, këngëtarja u pa duke u kapur për dore me Edwards në hyrje të qendrës së famshme të West Hollywood, Craig’s, ku u takuan për darkë me reperin Tyga. Madje, në një moment, Edwards u pa duke i puthur dorën Cher-it teksa prisnin në makinë. Të nesërmen, këngëtarja i është përgjigjur një postimi në Twitter ku thuhej “Dikush ka një të dashur të ri” me “YESSSSS (PO)”.
Të dielën mbrëma, Cher e çoi lidhjen e tyre në një nivel tjetër duke e zyrtarizuar në rrjetet sociale, teksa postoi në Twitter një screenshot nga producenti i muzikës dhe duke shkruar “Alexander” me një emoji të kuqe në formë zemre. E pyetur nga një fans “A është ky mashkulli yt i ri?”, këngëtarja është përgjigjur me një emoji të buzëqeshur e rrethuar nga zemra.
Një fans shprehu shqetësimin e tij për qëllimet e AE ndaj saj, por Cher u përgjigj: “Siç e dimë të gjithë… Unë nuk kam lindur dje, dhe ajo që di me siguri… nuk ka garanci. Sa herë që bëni një zgjedhje, merrni një rrezik. Gjithmonë kam rrezikuar… kështu jam”. Pastaj, kur një ndjekëse tjetër tha : “Më mirë ta trajtosh veten si mbretëresha që je”, ajo siguroi : “si mbretërsehë”. Ylli gjithashtu hodhi poshtë diferencën e tyre 40-vjeçare në moshë, duke shkruar: “Dashuria nuk njeh matematikë”. Dhe në një postim të mëvonshëm, legjenda e muzikës tha: “Ata që urrejnë do të urrejnë … Rëndësi ka që ne jemi të lumtur dhe nuk shqetësojmë askënd”
Edwards u lidh me Amber Rose për herë të parë në 2018, dhe ish-çifti kanë një djalë 3-vjeçar të quajtur Slash . Ata u ndanë pas tre vitesh, kur ai u kap duke e tradhtuar atë me disa gra.
Nga ana tjetër, Cher ishte martuar më parë me Sonny Bono nga 1964 deri në 1975 dhe me Gregg Allman nga 1975 deri në 1979. Ajo dhe Bono kishin një fëmijë së bashku, Chaz (53), ndërsa ajo dhe Allman kishin Elijah (tani 46).
Për t’u kthyer te diferenca e moshës mes Cher dhe AE, që ngjalli jo pak diskutim në Twitter, në fakt duhet thënë se gjatë dekadës së fundit janë bërë hapa historikë, drejt marrëdhënieve në të gjitha format e ndryshme. Ndonëse kemi ende një rrugë të gjatë para nesh kur bëhet fjalë për të përqafuar faktin se gratë mund të dalin me burra më të rinj, ky është një trend në rritje.
Sipas mediave sociale, standardi “mashkulli më i madh se gruaja”, po thyhet. Aplikacioni TikTok është i mbushur me video që tregojnë “Përfitimet e një lidhjeje me një djalë më të ri se ti” të shoqëruara me lista me anë pozitive si: mendjehapur, gatishmëri për të provuar gjëra të reja, botëkuptime më feministe. Të famshmit që i janë bashkuar trendit, nga Kim Kardashian dhe Pete Davidson, të cilët kanë 13 vite diferencë, tek Britney Spears, 40 vjeç dhe bashkëshorti Sam Asghari, 28 vjeç, tregojnë se një burrë në moshë më të re se gruaja jo vetëm që është i aprovuar nga TikTok, por funksionon edhe në realitet.
Pse meshkujt tërhiqen nga femrat më të mëdha në moshë?
Miti “sa më e madhe, më joshëses” ka ekzistuar për mijëra vjet dhe burrat janë ende të magjepsur nga gratë më të mëdha. Shumë argumentojnë se një grua më e madhe e di se çfarë dëshiron, si t’i shprehë nevojat dhe pritshmëritë e saj, dhe ajo ka shumë për të ofruar. Disa të rinj admirojnë forcën, fuqinë dhe autoritetin.
Pse gratë tërhiqen nga burra më të rinj në moshë?
Takimi pa një kërkesë moshe thjesht ju jep më shumë mundësi për të gjetur dashurinë. Shumë gra kur i bashkohen Tinder, priren lër zgjedhur burra më të rinj. Pse? Duan të argëtohen dhe kenë më shumë mundësi në grupmoshën më të re se sa me djemtë e moshës së tyre. Shumë gra që kanë arritur një moshë të caktuar, zakonisht kanë paratë e tyre dhe nuk kanë nevojë për dikë për darka të këndshme dhe udhëtime ekzotike.
A mund të funksionojnë këto marrëdhënie?
Duke marrë parasysh atë që është thënë deri më tani, a mund t’i konsiderojmë marrëdhëniet me një diferencë të konsiderueshme moshe si marrëdhënie të shëndetshme? Përgjigja e shkurtër është: varet.
Ndërsa dallimet në moshë mund të jenë shumë të dukshme kur dikush në çift është veçanërisht i ri, ata priren të humbasin disa nga stigmat sociale me kalimin e viteve. Megjithatë, një hulumtim lidh martesat mes partnerëve të moshave të ndryshme me shkallë më të lartë divorci; edhe pse nevojiten analiza të mëtejshme për të konfirmuar këtë lidhje.
Në të kundërt, në fakt, disa studime tregojnë se kënaqësia në marrëdhënie e raportuar nga çiftet me diferencë moshe është më e madhe. Të njëjtat çifte raportojnë gjithashtu besim më të madh dhe më pak xhelozi sesa çiftet me të njëjtën moshë
Pra, në përmbledhje, a ka rëndësi mosha?
Më shumë sesa faktori numerik, suksesi i një marrëdhënieje varet nga shkalla në të cilën partnerët ndajnë vlera dhe qëllime të ngjashme; ata mbështesin njëri-tjetrin në arritjen e qëllimeve personale; nxisin angazhimin, besimin dhe intimitet në marrëdhënie; dhe zgjidhni problemet në mënyrë konstruktive.
