Aktorja Almeda Abazi është tepër e hapur me ndjekësit e saj në rrjete sociale dhe i bën thuajse çdo ditë pjesë të përditshmërisë së saj.
Aktorja shqiptare tregon si e kalon ditën, ndan momente të ëmbla me Efehanin, shpreh mendimin e saj për tema të caktuara si dhe është e hapur për gjithçka tjetër.
Mirëpo rrëfimi i fundit i Almedës ka merakosur ndjekësit.
Me zë paksa të ngjirur, ajo tregon se së bashku me të birin kanë pasur shqetësime dhe ishin frikësuar për Covid-19.
Kështu, ata i janë nënshtruar menjëherë testit i cili fatmirësisht ka rezultuar negativ.
Në fakt, në këtë periudhë vjeshte gripi i thjeshtë mund të ngatërrohet fare lehtë me virusin Covid-19, si në rastin e Almedës.
“Uroj që të gjithë të jeni mirë! Siç mund ta kuptoni edhe nga zëri, unë nuk jam edhe aq mirë. Prej tre ditësh po kaloj një grip bashkë me Efehanin. Nuk ndihemi mirë, por po e kalojmë. Gjatë kësaj periudhe është normale, sepse koha ndryshon dhe ftohemi. Por, për shkak të frikës nga virusi, bëmë menjëherë testin dhe rezultati ishte negativ. Pra, nuk ka asgjë për t’u shqetësuar”- rrëfeu aktorja.
